Animacions au tornèu de rugbí de l'URBR

Dimars lo 08 de mai passat que’s debanè lo tradicionau tornèu de rugbí de l’URBR (Union Rivière Basse Rugby) a Plasança-deu-Gers. Alavetz, l’associacion nosta, qu’i èra convidada entà portar la soa tòca gascona ! Atau, qu’organisèm au briu de la jornada un concors de jòcs tradicionaus (quilhas e palet gascon) entau joenèr.  Lo conselh generau deu Gers e la mèrca Adishatz qu’estón los nostes partenaris. Los miélhers que s’en podón tornar tà casa sia dab un quessòt  « Adishatz », un bonet deu « CG », un quessòt « adishatz monde » deu «  CG »  o enqüera ua affica « Lo rugbí en gascon ». Aquèra affica qu’estó creada peus conselhs generaus deu Gers e deus Pirenèus hauts. Cada vilatge on se tròba un « Club » qu’i ei dab lo son nom gascon sus ua carta. Tanben qu’i podetz léger lo vocabulari deu rugbí  en bilingue atau plan com quauquas expressions pròpias a l’espòrt. Au hiu de la jornada que demandèm tanben aus joens jogaires de s’en anar cercar l’arrevirada gascona de quauques mots com Le ballon, les poteaux, aller au contact…  las afficas qu’èran visiblas drin pertot entaus ajudar. Presents qu’estón balhats aus mei rapides.

En fin de jornada, que’s debanè la remesa deus premís deu concors de jòcs tradicionaus en preséncia de M. Castet (Conselher generau) e de Dauna Musset (represententa de la mairia de Plasança).

Aban de partir los musicians d’Alavetz qu’animèn l’aperitiu au son de la flabuta e de l’acordeon.

Lo pretzhèit de la jornada que volèva la cultura nosta qu’estosse visible dens un eveniment public, dedicat au joenèr, e auprés de monde qui’n son pas forçadament iniciats tà d’aquèra cultura.

La jornada qu’estó ua vertadera escaduda !

Tournoi de l'URBR

L’école de Rugby de l'URBR regroupe 3 clubs : la JSR (Riscle), l'USP (plaisance-du-Gers ) et l'USCM (Castelnau-Rivière-Basse).

L’URBR organise son traditionnel tournoi de Rugby destiné aux jeunes (7-15ans). Sont invités cette année deux clubs catalans, un club toulousain et bien sûr plusieurs clubs locaux. Ce tournoi se déroulera le mardi 08 mai 2012. 

Cette année l’association ALAVETZ s’invite au tournoi pour apporter sa "tòca gascona" ! Tout au long de la journée l’animation retentira de sonorités gasconnes ! Des jeux traditionnels (quilles, palets gascons) seront proposés aux enfants et au public présents avec à la clef … quelques cadeaux pour les participants !

Ràdio gasconha sera présente et réalisera un reportage sur le tournoi.

Retenez d’ores et déjà cette date : mardi 08 mai 2012, tournoi de rugby de l’URBR

Retienetz aquèra data de plan : dimars lo 08 de mai de 2012, tornèu de rugbí de l’URBR, çà-vietz numerós !

Gaujós anniversari Alavetz

Dissabte lo 05 de mai que’s debanè a Preishac d’Ador l’amassada generau purmèra de l’ associacion nosta  Alavetz. Apitada en mars de 2011, que vòu promòver los diferents paramètres de la cultura gascona. Lo matin, Marie-Françoise Rivail, encargada de mission entà la cultura occitana peu departament deu Gers, que participè au cors e que balhè aus aprenents diccionaris gascons. La soa preséncia que marcava l’interès deu departament entà la nosta dinamica.

Au vrespe, un vintenat de personas que participèn a l’amassada generau. Entau son purmèr anniversari Alavetz que perpausa dejà un sarròt d’accions concrètas : Cors setmanèrs de gascon, animacions dens l’encastre d’eveniments locaus (Hors-cricuit, tournèu de Rugbí), intervencions en collègi (Mauborguet, Riscle), Creacion d’un siti Internet…  e plan segur la creacion de Ràdio Gasconha, la webradio gascona.

Ràdio Gasconha qu’estó apitada en géner de 2011. Que la calló perennizar peu biais d’un vertadèr tribalh :programacion musicau, un quarantenat d’entervistas, un quinzenat de reportatges.  Après un an e miei, Ràdio Gasconha que comença vertaderament d’estar coneishuda e arreconeishuda.

Benevòles que son los planvienguts, qu’esperam contunhar dab la medisha dinamica, dab lo medish esperit en tot desvelopar las nostas accions.

Que podetz léger tanben l’article de premsa de La Dépêche